Tehron aeroporti yaqinida qulagan Ukraina yo‘lovchi samolyoti Eron havo mudofaa tizimining noto‘g‘ri konfiguratsiyasi tufayli urib tushirilgan. Bu haqda Eron fuqaro aviatsiyasi tashkilotining voqeani tergov qilish jarayoni haqidagi hisobotida aytilgan, deya xabar beradi “RBK”.
Hisobotga ko‘ra, Tehronning havo mudofaasi tizimlaridan biri ishdan chiqqan, bu uning jug‘rofiy joylashuvi va yo‘nalishi o‘zgarishiga olib kelgan. Bundan tashqari, tizim boshqa yerga ko‘chirib o‘tilgandan so‘ng, konfiguratsiya amalga oshirilmagan.
Noto‘g‘ri sozlamalar tufayli tizim samolyotni janubi-g‘arbiy tomondan Tehron tomon harakatlanayotgan obyekt sifatida noto‘g‘ri xulosaga kelgan. Aslida layner Eron poytaxtidan uchib ketayotgan bo‘lgan.
Ma’lumot uchun, Eron islom inqilobi muhofizlari korpusi (IIMK)ning “Al-Quds” maxsus bo‘linmasi generali Qosim Sulaymoniy 3-yanvar kuni AQSh havo kuchlari tomonidan Bag‘dod aeroportiga berilgan aviahujum oqibatida o‘ldirilgandi. Zarba AQSh prezidenti Donald Tramp farmoyishiga asosan berilgan. 8-yanvar kuni esa Eron unga javoban Iroqdagi Amerika bazasiga hujum qilgan.
Mavzuga doir: Eron Qosim Sulaymoniyning o‘limi uchun Trampni qamoqqa olish haqida order berdi va Interpolga murojaat qildi
Eron darhol aviahalokatga texnik nosozlik sabab bo‘lganini aytgan. Keyinchalik, 11-yanvar kuni Eron mamlakat havo mudofaasi samolyotni operatorning xatosi tufayli urib tushurilganini tan oldi. Yanvar oyi oxirida Eron tashqi ishlar vaziri Muhammad Javod Zarif samolyotni tasodifan urib tushurgan askar qamoqda ekanini aytgan.
Izoh (0)