Ортда қолган бир сутка давомида Россияда 6615 та янги касалланиш ҳолатлари қайд этилди. Бу ҳақда COVID-19’га қарши тезкор штаб хабар қилган.
Бир кун аввал 6611 та янги ҳолат аниқлангани хабар қилинганди. Коронавирус Россияда тарқала бошлаганидан бери касалланганларнинг умумий сони 727 162 нафарга етган.
Коронавирус инфекцияси билан энг кўп касалланиш ҳолатлари Москва (+679), Санкт-Петербург (+293) шаҳарларида ва Свердловск вилоятида (+286) кузатилган.
Сутка давомида коронавирус инфекцияси билан касалланган 130 нафар бемор вафот этган. Россияда эпидемия бошлаганидан бери қайд этилган ўлимлар сони 11 335 тани ташкил қилмоқда.
Эпидемия даври мобайнида 501 061 киши коронавирус инфекциясидан тузалган. Охирги бир сутка давомида соғайганлар сони 3615 нафарни ташкил қилди.
Роспотребнадзор берган маълумотларга кўра бир сутка ичида жами 322 мингта коронавирус тести амалга оширилган. Мамлакатда COVID-19 эпидемияси бошланганидан буён ўтказилган лаборатор таҳлиллар сони 23 миллионга етган.
Мавзуга доир: Россия ССВ раҳбари: Коронавирус бепуштликка олиб келиши мумкинлиги борасида аниқ маълумотлар ҳозирча йўқ
Изоҳ (0)