Bugun,

  • USD 11095.31
  • RUB 173.84
  • EUR 10772.44

Pentagon rahbari Mark Esper Afg‘onistondagi amerikalik harbiylar Rossiya buyurtmasiga ko‘ra o‘ldirilganini isbotlovchi dalillarni ko‘rmaganini ma’lum qildi. Bu haqda u AQSh Vakillar palatasining qurolli kuchlar bo‘yicha qo‘mitasida o‘tkazilgan eshituvda ma’lum qildi, deb xabar beradi CNN.

Foto: Getty Images

Foto: Getty Images

Esperning so‘zlariga ko‘ra, u fevral oyida razvedkadan Rossiyaning “Tolibon” harakati jangarilariga bog‘liq pul o‘tkazmalari to‘g‘risida ma’lumot olgan. Biroq hisobotlarda amerikalik askarlarning o‘ldirilishi uchun “mukofot” degan so‘z ishlatilganini eslay olmasligini aytgan. Pentagon rahbariyati ushbu ma’lumotlarni ishonchsiz deb topgan.

Shu bilan birga, Eskper Moskva chindan ham “Tolibon” bilan hamkorlik qilishi va ularga yordam berishi mumkinligini istisno etmagan.

Eshituvda ishtirok etgan AQSh Qurolli kuchlari shtab boshliqlari qo‘mitasi raisi general Mark Milli Rossiyning “Afg‘onistondagi vaziyat”ga “aloqadorligi”ni ma’lum qilgan.

Uning so‘zlariga ko‘ra, Moskva Afg‘onistonda “Haqqoniy tarmog‘i” ekstremistik guruhi va “Tolibon” orqali harakat qilmoqda. Millining ta’kidlashicha, Rossiya va boshqa davlatlar — Eron, Xitoy, Pokiston — uzoq yillardan beri ushbu mamlakatdagi vaziyatlarda ishtirok etib kelmoqda.

Eslatib o‘tamiz, iyun oxirida The New York Times gazetasi Rossiya harbiy razvedka bo‘linmasi “Tolibon” harakatiga bog‘liq jangarilarga Afg‘onistondagi xalqaro koalitsiya harbiylarini o‘ldirganlik uchun maxfiy ravishda mukofot taklif qilgani to‘g‘risida yozgandi. “Tolibon” harakati esa Rossiya buyurtmasiga ko‘ra, amerikalik harbiylarni o‘ldirgani to‘g‘risidagi maqolaga raddiya berib, o‘zlari biror-bir razvedka organi yoki xorij davlatining foydasiga bog‘lanmaganini bildirgan.

O‘z navbatida Oq uy AQSh razvedka xizmati prezident Donald Trampga Rossiyaning amerikalik harbiylarning o‘ldirilishi uchun “Tolibon”ga mukofot taklif qilgani to‘g‘risida hisobot bermaganini ma’lum qilgan. Shundan so‘ng Washington Post gazetasi ham Afg‘onistondagi AQSh harbiylari Rossiya va “Tolibon”ning kelishuvi oqibatida halok bo‘lgani to‘g‘risida maqola chop etgandi.

Izoh
Asosiy yangiliklar
Mahalliy
Farg‘onada ayol o‘zini IIB binosi oldida yoqib yubormoqchi bo‘ldi
Dunyo
Amerikaliklar “Qora juma”da onlayn xaridlarga rekord darajada ko‘p pul sarfladi
Mahalliy
Toshkentda madaniyat uyi yongani rad etildi. U yerda xodimlar shashlik pishirish uchun ko‘mir yoqqan (video)