Samsung kompaniyasi ham smartfon jamlanmasidan quvvatlantirgichni olib qo‘yishni rejalashtirmoqda. Bu haqda Janubiy Koreyaning Etnews sayti o‘zining ismi oshkor etilmagan manbasiga tayanib ma’lum qildi. Quvvatlantirish blokiga ega bo‘lmagan birinchi Galaxy 2021-yilda sotuvga chiqariladi — hozircha bu qaysi model ekanligi noma’lum.
Manbaning so‘zlariga ko‘ra, Samsung har bir smartfon qutisiga quvvatlantirgichni joylashtirishda ehtiyoj sezmayapti. Ta’kidlanishicha, smartfonlar bozori shu qadar rivojlanib ketganki, har bir insonning uyida bir nechta quvvatlantirish bloki mavjud.
Bu kabi qadam kompaniyaga qurilma tannarxini tushirishga yordam beradi. Taxminlarga ko‘ra, quvvatlantirish blokiga ega bo‘lmaydigan dastlabki smartfonlar — hamyonbop modellar bo‘ladi. Shu bilan birga, kompaniya smartfon qutisiga USB-kabelni avvalgidek joylashtirish niyatida, bu borada tejamkorlik qilinmaydi.
Gap-so‘zlariga ko‘ra, Samsung bu kabi qarorni Apple kompaniyasi kuzda o‘zining iPhone 12 modeli jamlanmasidan quvvatlantirgich va naushniklarni olib qo‘yishi to‘g‘risidagi ma’lumotlar tarqalgach muhokama qilgan.
Izoh (0)