“Energetik-BGU”da harakat qilayotgan o‘zbekistonlik hujumchi Jasur Yaxshiboyev faoliyatini Soligorskning “Shaxtyor” jamoasida davom ettiradi. Bu haqda “talabalar” matbuot xizmati ma’lum qildi.
Belarus chempionati joriy mavsumining eng yaxshi to‘purari 2020-yilning boshida “Paxtakor”dan ijara asosida minskliklar safiga kelib qo‘shilgandi. “Energetik-BGU” futbolchini “Shaxtyor”ga subijaraga berib yubordi
Bu masalaga oydinlik kiritish uchun “Daryo” muxbiri “Paxtakor” matbuot xizmati bilan bog‘landi. Ta’kidlanishicha, Jasur Yaxshiboyev transferi borasida boshqa bir qator klublar bilan muzokaralar o‘tkazilmoqda. Yozgi transfer mavsumi ochilgach, Jasur boshqa nomdor klub safiga yo‘l olishi ham mumkin. Ma’lumot uchun, Yaxshiboyevning transfer huquqi “Paxtakor”ga tegishli.
“Shaxtyor” Belarus chempionatida 16-turdan so‘ng 30 ochko to‘plagan holda peshqadamlik qilmoqda.
Yaxshiboyev Belarus chempionati joriy mavsumida 14 o‘yin o‘tkazib, 9 ta gol va uchta golli uzatma muallifiga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)