«Энергетик-БГУ»да ҳаракат қилаётган ўзбекистонлик ҳужумчи Жасур Яхшибоев фаолиятини Солигорскнинг «Шахтёр» жамоасида давом эттиради. Бу ҳақда «талабалар» матбуот хизмати маълум қилди.
Беларусь чемпионати жорий мавсумининг энг яхши тўпурари 2020 йилнинг бошида «Пахтакор»дан ижара асосида минскликлар сафига келиб қўшилганди. «Энергетик-БГУ» футболчини «Шахтёр»га субижарага бериб юборди
Бу масалага ойдинлик киритиш учун «Дарё» мухбири «Пахтакор» матбуот хизмати билан боғланди. Таъкидланишича, Жасур Яхшибоев трансфери борасида бошқа бир қатор клублар билан музокаралар ўтказилмоқда. Ёзги трансфер мавсуми очилгач, Жасур бошқа номдор клуб сафига йўл олиши ҳам мумкин. Маълумот учун, Яхшибоевнинг трансфер ҳуқуқи «Пахтакор»га тегишли.
«Шахтёр» Беларусь чемпионатида 16-турдан сўнг 30 очко тўплаган ҳолда пешқадамлик қилмоқда.
Яхшибоев Беларусь чемпионати жорий мавсумида 14 ўйин ўтказиб, 9 та гол ва учта голли узатма муаллифига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)