“Milan” hujumchisi Zlatan Ibragimovich “Yuventus”ga qarshi o‘yindan (4:2) so‘ng o‘z fikrlari bilan o‘rtoqlashdi.
“Men yosh emasman, bu sir emas. Ammo yosh bu shunchaki raqam, xolos. O‘zimni yaxshi his qilyapman va jamoaga yordam berish harakatidaman.
Men bu yerda prezident, futbolchi va murabbiyman! Buning yagona salbiy tomoni shundaki, menga faqat futbolchi sifatida maosh to‘lashadi. Agar mavsum boshida “Milan”ga kelganimda, chempionlikni qo‘lga kiritgan bo‘lardik.
Keyingi mavsumda ham qolamanmi? Ko‘ramiz. Futboldan zavqlanishimiz uchun hali bir oy bor, ammo vaziyat g‘alati va biz uni nazorat qila olmaymiz.
“Milan” menga yoqadi. 38 yoshdaman, sport formam avvalgidek emas, lekin aql bilan o‘ynashga harakat qilyapman.
Agar maydonda boshqalardan ajralib turmasam, bu menga yoqmaydi. Bu yerga shunchaki tumor bo‘lish uchun emas, jamoadoshlarim, klub va muxlislarga yordam berish maqsadida kelganman”, — deydi Zlatan.
Eslatib o‘tamiz, Zlatan qishki transferlar oynasi vaqtida Milan klubiga qo‘shilgan. 2019/20-yilgi mavsumda uning hisobida 11 ta o‘yin, 5 ta gol va 3 ta golli uzatma bor.
Izoh (0)