Toshkent hayvonot bog‘ida pushti flamingolar o‘rin olgan yangi pavilyon ochildi. Bu haqda poytaxt hokimligi matbuot xizmati xabar berdi.
“Hozirda bu yerda 33 ta pushti flamingo yashamoqda. Ularning 23 tasi BAAdan, 10 tasi Orol dengizi qirg‘oqlaridan olib kelingan”, — deyiladi xabarda.
Ta’kidlanishicha, yangi pavilyon jahon standartlariga to‘liq javob beradi, bu yerda bir necha suv havzalari va maxsus landshaftlar qurilgan.
Hayvonot bog‘i 2021-yilda ushbu flamingolardan nasl olishni rejalashtirmoqda.
Ma’lumot uchun, mahalliy ornitologlar 2014-yili Qoraqalpog‘istondagi Sudochye ko‘lining sharqiy qirg‘og‘ida 7000 flamingo borligini aniqlagan.
Mavzuga doir: Pushti flamingolar yana Qoraqalpog‘istonga uchib keldi
Izoh (0)