Isroil Iordan vodiysini anneksiya qilishdan (bosib olishdan) bosh tortdi va bu haqda Falastin Milliy administratsiyasini ogohlantirdi, deb xabar beradi Times of Israel.
Falastinlik yuqori martabali amaldorning so‘zlariga ko‘ra, tegishli xabar Falastin prezidenti Mahmud Abbosga Isroilning “Mossad” razvedkasi boshlig‘i Yosi Koenning podshoh Abdulla II bilan uchrashuvidan so‘ng Iordaniya orqali berib yuborilgan.
Isroil tomoni Falastin hukumatini Iordan daryosining g‘arbiy sohilidagi ikki-uchta qishloqni anneksiya qilish bilan chegaralanish niyatida ekanligi to‘g‘risida ogohlantirgan.
O‘z navbatida AQSh prezidentining katta maslahatchisi va kuyovi Jared Kushner Isroil bosh vaziri Binyamin Netanyaxuga murojaat qilib, Iordan daryosining g‘arbiy sohilidagi bosib olingan hududlarning bir qismini anneksiya qilishni kechiktirishni so‘ragan.
Arab OAVning yozishicha, Vashingtonning bu kabi iltimosi Fors ko‘rfazi mamlakatlari bilan munosabatlarning yomonlashishidan qochishga qaratilgan.
Avvalroq Isroil bosh vaziri Binyamin Netanyaxu anneksiya masalasi yuzasidan Isroil Vazirlar Mahkamasining birinchi yig‘ilishi 1-iyulda bo‘lib o‘tishini ma’lum qilgandi.
Izoh (0)