AQShning Nyu-Meksiko shtatida 3 kishi qo‘l uchun mo‘ljallangan antibakterial vositani ichganidan so‘ng vafot etdi. Bu haqda 26-iyun, juma kuni shtat sog‘liqni saqlash boshqarmasiga tayanib KOAT telekanali xabar berdi.
Bundan tashqari, bir kishi butunlay ko‘r bo‘lib qolgan, yana uch nafari og‘ir ahvolda. Bunga antiseptik tarkibida zaharli metil spirti bo‘lgani sabab bo‘lgan.
Shtat rasmiylarining bildirishicha, yuqoridagi holatlar may oyida sodir bo‘lgan.
Koronavirus pandemiyasi sharoitida AQShda antibakterial gellar keng tarqaldi. Amerikaliklar ularni har doim o‘zlari bilan olib yuradi. Shuningdek, ko‘plab jamoat joylari va do‘konlarda gelli idishlar o‘rnatilgan.
Eslatib o‘tamiz, aprel oyida Tramp koronavirusni nur va dezinfeksiya vositalari bilan davolashni taklif qilgan, shifokorlar uni bu yo‘ldan qaytargandi.
Izoh (0)