Futbol bo‘yicha Angliya Kubogi musobaqasining chorak finalida “Arsenal” 28-iyun, yakshanba kuni “Sheffild Yunayted” maydoniga safar qildi.
Birinchi bo‘lim o‘rtalarida mezbonlar himoyachisi o‘z jarima maydoni ichida Aleksander Lyakazettga nisbatan qo‘pol o‘ynadi. Natijada hakam 11 metrlik nuqtani ko‘rsatdi va Nikolya Pepe penaltini golga aylantirdi.
87-daqiqada sheffildliklar hisobni tenglashtirdi: gol muallifi — Devid Makgoldrik. Barchasi qo‘shimcha bo‘limlar tomon ketayotgan bir vaqtda Dani Sebalyos hakam tomonidan qo‘shib berilgan daqiqalarda to‘p kiritib, londonliklarga g‘alaba keltirdi.
Shu tariqa Mikel Arteta shogirdlari yarim final yo‘llanmasiga ega chiqdi. Avvalroq “Manchester Yunayted” keyingi bosqichga yo‘l olgandi.
Angliya Kubogi
¼ final bosqichi
28-iyun, yakshanba
“Sheffild Yunayted” — “Arsenal” 1:2
Gollar: 0:1 – 25, penalti Pepe, 1:1 – 87 Makgoldrik, 1:2 – 90+1 Sebalyos.“Sheffild Yunayted”: Henderson, Boldok (Frimen, 62), Robinson, Igan, Stivens, Landstryom (Berge, 35), Norvud, Flek, Bashem (Sharp, 76), Makberni, Makgoldrik.
“Arsenal”: Martines, Kolashinats, David Luiz (Holding, 54), Mustafi, Meytlend-Naylz, Jaka, Uillok (Sebalyos, 67), Pepe (Papastatopulos, 90), Tirni, Lyakazett (Nketia, 67), Saka.
Ogohlantirishlar: Flek (31), Robinson (75).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)