Koronavirusdan davolanishga muvaffaq bo‘lgan har uch bemordan biri keyinchalik butun umri davomida o‘pka yallig‘lanishi, surunkali charchoq va ruhiy kasalliklardan aziyat chekishi mumkin. Bu haqda Buyuk Britaniya Sog‘liqni saqlash milliy xizmati mutaxassislariga tayanib, The Daily Telegraph xabar berdi.
Tadqiqot natijalariga ko‘ra, koronavirus infeksiyasi bilan kasallangan bemorlarning 30 foizida o‘pka fibrozi rivojlanishi mumkin. Bu kasallik o‘pkada yara to‘qima hosil qilib, nafas olish funksiyasining buzilishiga va qonning kislorod bilan yaxshi to‘yinmasligiga olib keladi.
Sog‘ayganlarning yarmida jismoniy, kognitiv va ruhiy kasalliklar yuzaga kelishi va 70 foizi alahsirashdan aziyat chekishi mumkin. Har o‘n bemorning bittasida o‘tkir yurak kasalligi aniqlangan.
Olimlarning so‘zlariga ko‘ra, koronavirus Alsgeymer kasalligiga ham olib kelishi mumkin bo‘lgan miya sohasiga ham shikast yetkazishi mumkinligi to‘g‘risida ma’lumotlar bor.
Avvalroq koronavirus bilan og‘rigan bemorning o‘limiga sabab bo‘luvchi anomal patologiya aniqlangani, u grippdan 10 barobar xavfliroq ekanligi haqida xabar berilgandi.
Izoh (0)