Amerikalik Kris Kat ismli fuqaro mamlakat bo‘ylab iti bilan sayohat qilish uchun ikki eshikli Honda NSX sportkarini avtouyga aylantirdi, deb xabar beradi Motor.
Dastlab Honda egasi o‘zining sportkarini qayta jihozlagan — old bamperini almashtirgan, “podveska”ni pasaytirgan. Biroq bu ham yetarli bo‘lmagani uchun, u NSX tomiga palatka o‘rnatgan.
Konstruksiyaning birinchi varianti oddiy yig‘ma palatkadan iborat bo‘lib, sportkarning orqa tarafiga qotirilgan va kichik zina yordamida yuqoriga ko‘tarilish mumkin bo‘lgan. Biroq bu kabi konstruksiyaning mustahkamligi palatkada uzoq vaqt qolishga imkon bermagan.
Shunda Kris yana bitta Honda NSX’ning kuzovini buyurtma qilgan. U kuzovni ikkiga bo‘lib, tirkamaga aylantirgan va uning ustiga palatka o‘rnatgan. Loyiha yakunlangach, erkak iti bilan AQShdagi barcha asosiy milliy bog‘larni aylanib chiqish niyatida.
Izoh (0)