Fransiya hukumati 11-iyuldan koronavirus tufayli joriy qilingan karantin qoidalarini yumshatishning navbatdagi bosqichiga ruxsat beradi. Unga ko‘ra, Fransiyadagi futbol stadionlari muxlislar uchun ochiladi, deya xabar qilmoqda Reuters.
Qaror kuchga kirganidan keyingi bir hafta mobaynida stadionlarda 5 mingdan ortiq tomoshabinning bo‘lishiga ruxsat etilmaydi. Vaqt o‘tishi bilan muxlislarning maksimal soni oshib boradi.
Eslatib o‘tamiz, futbol bo‘yicha Fransiya chempionati koronavirus sabab muddatidan avval yakunlandi va PSJ jamoasi chempion deb e’lon qilindi. Fransiyada yangi mavsum 22-avgustdan boshlanishi rejalashtirilgan. Undan bir hafta avval Fransiya Kubogi va Liga Kubogi finallari bo‘lib o‘tadi.
So‘nggi ma’lumotlarga ko‘ra, Fransiyada koronavirus bilan kasallanganlar 160 mingdan oshib ketgan. Sog‘ayganlar soni 74 312 nafarni, vafot etganlar soni esa 29 633 kishini tashkil etmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)