Futbol bo‘yicha Rossiya chempionatining 23-turidan o‘rin olgan 20-iyun, shanba kungi bahslar yakunlandi.
Turning markaziy o‘yini SSKA va “Zenit” jamoalari ishtirokida kechdi. Uchrashuvning 2-daqiqasidayoq Branislav Ivanovich piterliklarni oldinga olib chiqqan bo‘lsa, oradan ko‘p o‘tmay Malkom mehmonlarning ikkinchi golini urdi. Birinchi bo‘limga qo‘shib berilgan vaqtda braziliyalik futbolchi dublini nishonlagan holda, hisobni yirik ko‘rinishga olib keldi. Ikkinchi bo‘limning so‘nggi soniyalarida Sebastyan Driussi penaltini golga aylantirib, yakuniy hisobni o‘rnatdi — 0:4.
Shu tariqa “Zenit” ochkolarini 53 taga yetkazib olgan holda peshqadamlikni mustahkamladi. “Armiyachilar” (36) esa 5-pog‘onada qoldi.
“Spartak” Tulada “Arsenal” mehmoni bo‘ldi. Dastlab uchta to‘p farqi bilan oldinga o‘tib olgan moskvaliklar ikkinchi bo‘limga qo‘shib berilgan vaqtda ikkita to‘p o‘tkazib yubordi. Biroq bu “Spartak”ning g‘alabasiga to‘sqinlik qilmadi.
RPL
23-tur bahslari
20-iyun, shanba
SSKA — “Zenit” 0:4
Gollar: 0:1 – 2 Ivanovich, 0:2 – 9 Malkom, 0:3 – 45 Malkom, 0:4 – 90+4, penalti DriussiSSKA: Akinfeyev, Fernandes (Tiknizyan, 84), Karpov, Vasin (Maradishvili, 46), Nababkin (Magnusson, 46), Sigurdsson (Biyol, 65), Oblyakov, Vlashich, Bistrovich (Kuchayev, 76), Diveyev, Chalov.
“Zenit”: Lunev, Rakitskiy, Karavayev, Ivanovich, Duglas Santos, Ozdoyev, Barrios, Kuzyayev (Yeroxin, 62), Malkom (Driussi, 61), Dzyuba, Azmun (Sutormin, 74).
Ogohlantirishlar: Diveyev (5), Oblyakov (10), Ozdoyev (50), Yeroxin (81).
Chetlatish: Karpov (89).
“Ural” — “Rubin” 1:2
Gollar: 1:0 – 7, avtogol Pablo, 1:1 – 39 Kvaratsxeliya, 1:2 – 56 Bakayev.“Arsenal Tula” — “Spartak” 2:3
Gollar: 0:1 – 44 Sobolyev, 0:2 – 66 Rasskazov, 0:3 – 79 Ponse, 1:3 – 90+4 Lutsenko, 2:3 – 90+9 Lesovoy.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)