Ispaniya chempionatining 29-turidan o‘rin olgan o‘yinda Madridning “Atletiko” klubi safarda “Osasuna”ni yirik 5:0 hisobida mag‘lubiyatga uchratdi.
Opta’ning xabar berishicha, ushbu uchrashuvda 27 yoshli sloveniyalik darvozabon Yan Oblak (“Atletiko”) La Liga rekordini o‘rnatdi. Ispaniya chempionatining barcha davrlardagi darvozabonlari orasida Oblakga 100 ta quruq o‘yin o‘tkazish uchun eng kam o‘yin (182 ta) kerak bo‘ldi. Bundan avvalgi rekord (222 uchrashuv, 100 ta quruq o‘yin) 1964—1980-yillarda harakat qilgan “Kordoba”, “Barselona” va “Atletiko” sobiq darvozaboni Migel Reynaga tegishli edi.
“Atletiko” ushbu g‘alabadan keyin ochkolarini 49 taga yetkazib, to‘rtinchi o‘ringa ko‘tarilib oldi. “Matraschilar” keyingi turda o‘z uyida 14-pog‘onadagi “Valyadolid”ni qabul qiladi.
Izoh (0)