UEFA ijroqo‘mi Yevro—2020 musobaqasining pley-off o‘yinlari va Millatlar Ligasi 2020/21-yilgi mavsumi sanalarini ma’lum qildi.
2020-yilning oktabr va noyabr oylaridagi FIFA kunlarida terma jamoalar odatga ko‘ra ikkita emas, uchtadan uchrashuv o‘tkazadi.
Bu Yevropa chempionatiga yo‘llanma beruvchi pley-off o‘yinlarini 8-oktabr va 12-noyabrda o‘tkazib olish imkonini beradi.
Millatlar Ligasi 2020/21-yilgi mavsumining guruh bosqichi o‘yinlari 2020-yilning 3-4-5 va 6-7-8-sentabr, 10-11 va 13—14-oktabr, 14-15 va 17—18-noyabr kunlari bo‘lib o‘tadi. To‘liq taqvim keyinroq e’lon qilinadi.
Yevropa terma jamoalari 7—8-oktabr va 11—12-noyabr kunlari o‘rtoqlik o‘yinlari o‘tkazishi mumkin.
Eslatib o‘tamiz, koronavirus sabab Yevro—2020 musobaqasi 2021-yilning yoziga qoldirilgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)