Испания чемпионатининг 29-туридан ўрин олган ўйинда Мадриднинг «Атлетико» клуби сафарда «Осасуна»ни йирик 5:0 ҳисобида мағлубиятга учратди.
Opta’нинг хабар беришича, ушбу учрашувда 27 ёшли словениялик дарвозабон Ян Облак («Атлетико») Ла Лига рекордини ўрнатди. Испания чемпионатининг барча даврлардаги дарвозабонлари орасида Облакга 100 та қуруқ ўйин ўтказиш учун энг кам ўйин (182 та) керак бўлди. Бундан аввалги рекорд (222 учрашув, 100 та қуруқ ўйин) 1964—1980 йилларда ҳаракат қилган «Кордоба», «Барселона» ва «Атлетико» собиқ дарвозабони Мигел Рейнага тегишли эди.
«Атлетико» ушбу ғалабадан кейин очколарини 49 тага етказиб, тўртинчи ўринга кўтарилиб олди. «Матрасчилар» кейинги турда ўз уйида 14-поғонадаги «Вальядолид»ни қабул қилади.
Изоҳ (0)