Toshkent tibbiyot akademiyasi ko‘p tarmoqli klinikasida 16-iyun kuni bir yo‘la 42 nafar bemor koronavirusdan sog‘aydi. Bu haqda Sog‘liqni saqlash vazirligi xabar bermoqda.
Avvalroq Toshkent shahridagi Epidemiologiya, mikrobiologiya va yuqumli kasalliklar ilmiy-tekshirish instituti klinikasida 21 nafar, Virusologiya ilmiy-tekshirish instituti klinikasida 11 nafar, 3-sonli tug‘ruq majmuasida 3 nafar, jami 35 nafar bemor sog‘aygani xabar qilingandi. Kun davomida 77 nafar bemor sog‘ayib, o‘z uylariga kuzatildi. Kasallikdan forig‘ bo‘lgan bemorlarning barchasi poytaxtdagi davolash muassasalarida shifo topdi.
Ayni paytga qadar O‘zbekiston bo‘ylab koronavirus infeksiyasidan jami sog‘ayganlar soni 4096 nafarga yetdi. Shifoxonalarda 1213 nafar bemor davolanmoqda.
Ma’lumot uchun, 16-iyun soat 17:00 holatiga ko‘ra, koronavirusga chalinganlar soni 5328 nafarga yetdi, bemorlarning 19 nafari kasallik asoratlari oqibatida vafot etgan.
Izoh (0)