Surxondaryo viloyati Sho‘rchi tumanida joylashgan Sho‘rchi tibbiyot kolleji direktori o‘qishga kiritish uchun bir fuqarodan 200 dollar pora olgan vaqtida qo‘lga tushdi. Bu haqda “Daryo”ga Bosh prokuratura tomonidan ma’lum qilindi.
Bosh prokuratura huzuridagi Iqtisodiy jinoyatlarga qarshi kurash departamentining Surxondaryo viloyat boshqarmasi tomonidan o‘tkazilgan tezkor tadbirda kollej direktori pora bilan ushlangan.
Ma’lum qilinishicha, Sho‘rchi tibbiyot kolleji direktori S.S. fuqaro A.N.ni kollejga o‘qishga kiritib qo‘yish evaziga to‘lov kontrakti uchun 4,5 million so‘m hamda o‘zining shaxsiy ehtiyojlari uchun 200 dollar so‘ragan. Direktor mazkur pullarni olgan vaqtida ashyoviy dalil bilan ushlangan.
Mazkur holat yuzasidan S.S.ga nisbatan Jinoyat kodeksining 210-moddasi 1-qismi bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- DXX 5 ming dollar evaziga konservatoriyaga o‘qishga kiritib qo‘yishni va’da qilgan litsey o‘qituvchisini qo‘lga oldi
- Andijonda kadastr xodimi 800 dollar pora bilan ushlandi
- Bo‘ka tumani DSEN mudiri jarima miqdorini kamaytirib berish uchun 400 ming so‘m pora olayotganida ushlandi
- Andijonda o‘qituvchilarga imtiyozli kreditga beriladigan namunaviy uy olib berish evaziga 3 ming dollar so‘ragan shaxs ushlandi
Izoh (0)