O‘zbekistonda yengil avtomobillar misolida import qilinadigan transport vositalari narxi utilizatsiya yig‘imi va aksiz solig‘ini hisobiga qanchaga o‘zgarishi Norma ekspertlari tomonidan hisoblab chiqildi.
Eslatib o‘tamiz, O‘zbekistonda 1-avgustdan boshlab ayrim transport vositalarini olib kirish uchun aksiz solig‘i stavkalari bekor qilinadi va utilizatsiya yig‘imlari joriy etiladi.
Masalan, hajmi 1000 kub santimetrdan ortiq bo‘lmagan dvigatelga ega avtomobilning narxi — 6000 dollar.
2020-yil 1-avgustga qadar:
- Bojxona to‘lovi — 3240 dollar (avtomobil o‘rtacha narxining 54 foizi);
- Aksiz solig‘i — 1920 dollar (avtomobil o‘rtacha narxining 32 foizi);
- QQS — 1674 dollar(avtomobil o‘rtacha narxining, bojxona to‘lovi va aksizning 15 foizi);
- Bojxona yig‘imi — 25 dollar;
- Utilizatsiya yig‘imi — 0.
2020-yil 1-avgustdan keyin:
- Bojxona to‘lovi — 3240 dollar (avtomobil o‘rtacha narxining 54 foizi);
- Aksiz solig‘i — 0;
- QQS — 1386 dollar (avtomobil o‘rtacha narxining, bojxona to‘lovi va aksizning 15 foizi);
- Bojxona yig‘imi — 25 dollar;
- Utilizatsiya yig‘imi — 659 dollar (BHMning 30 baravari dollarda).
Shu bilan birga, hajmi 3000 kub santimetrdan ortiq bo‘lgan va 3500 kub santimetrdan yuqori bo‘lmagan dvigatelga ega avtomobilning narxi 30 000 dollar. 1-avgustdan uning narxi 6740 dollarga arzonlashadi.
“Shunday qilib, 1000 kub santimetrgacha bo‘lgan hajmli dvigatelga ega avtomobillar narxi 12 foizga, 3000 kub santimetrdan ortiq bo‘lgan va 3500 kub santimetrdan yuqori bo‘lmagan hajmli dvigatelga ega avtomobil narxi esa 10 foizga arzonlaydi”, — deyiladi xulosada.
Izoh (0)