Prezident Shavkat Mirziyoyev Farg‘onaga safari yakunlari bo‘yicha viloyatdagi har bir tumanni rivojlantirish bo‘yicha aniq rejalar shakllantiradi. U bu haqda Qo‘shtepa tumanidagi “Tursunov Yusufjon yeri” fermer xo‘jaligiga tashrifi aytib o‘tgan.
“Har bir hududning yeri, resurslari, imkoniyatlari o‘ziga xos. Bugun Farg‘onaga kelishimizdan maqsad — bu imkoniyatlarni to‘liq safarbar qilib, odamlarga ish o‘rni, daromad manbai uchun sharoit yaratish, har bir tuman bo‘yicha aniq reja shakllantirish”, — dedi davlat rahbari.
“Qanday mehnat qilsak, shunday hayot bo‘ladi”, — deya Shavkat Mirziyoyevning so‘zlaridan iqtibos keltirmoqda Prezident matbuot xizmati.
Eslatib o‘tamiz, Shavkat Mirziyoyev Farg‘onaning Qo‘shtepa tumaniga tashrifi davomida “Tursunov Yusufjon yeri” fermer xo‘jaligi dalasida g‘alla rivojini ko‘zdan kechirdi, “Grapes and Gardens Investment” kompaniyasi tomonidan tashkid etilgan bog‘dagi daraxt qatorlari orasiga sarimsoqpiyoz ekish bo‘yicha ko‘rsatma berdi.
Izoh (0)