Prezident Shavkat Mirziyoyev Farg‘ona viloyatiga tashrifi davomida Qo‘shtepa tumanida “Grapes and Gardens Investment” kompaniyasi tomonidan yaratilgan intensiv bog‘ bilan tanishdi.
Prezident Shavkat Mirziyoyev Farg‘ona viloyati Qo‘shtepa tumanida “Grapes and Gardens Investment” kompaniyasi tomonidan tashkil etilgan intensiv bog‘da, 2020-yil 5-iyun.Foto: Prezident matbuot xizmati
Prezident matbuot xizmatidan xabar berishlaricha, bog‘ “Tursunov Yusufjon yeri” fermer xo‘jaligi dalasi yonida joylashgan. 100 gektar maydonda o‘rik, 52 gektar maydonda gilos ekilgan. Tomchilatib sug‘orish, sun’iy soya qilish uskunalari o‘rnatilgan.
Farg‘ona viloyati Qo‘shtepa tumanida “Grapes and Gardens Investment” kompaniyasi tomonidan tashkil etilgan intensiv bog‘, 2020-yil 5-iyun.Foto: Prezident matbuot xizmati
“Ispaniya va Fransiyadan keltirilgan o‘rik navining hosildorligi juda yuqori. Bu eksportda muhim omil bo‘ladi. Bugungi kunda bog‘ uchastkalari kooperatsiya asosida tajribali tadbirkorlarga berilmoqda”, — deyiladi rasmiy axborotda.
Farg‘ona viloyati Qo‘shtepa tumanida “Grapes and Gardens Investment” kompaniyasi tomonidan tashkil etilgan intensiv bog‘, 2020-yil 5-iyun.Foto: Prezident matbuot xizmati
Shavkat Mirziyoyev daraxt qatorlari orasiga sarimsoqpiyoz va dukkakli ekinlar ekish, bunday bog‘larni ko‘paytirish bo‘yicha ko‘rsatmalar bergan. Shu yerda qishloq xo‘jaligi va agrosanoat loyihalari taqdimoti o‘tkazilgan.
Izoh (0)