Президент Шавкат Мирзиёев Фарғонага сафари якунлари бўйича вилоятдаги ҳар бир туманни ривожлантириш бўйича аниқ режалар шакллантиради. У бу ҳақда Қўштепа туманидаги «Турсунов Юсуфжон ери» фермер хўжалигига ташрифи айтиб ўтган.
«Ҳар бир ҳудуднинг ери, ресурслари, имкониятлари ўзига хос. Бугун Фарғонага келишимиздан мақсад — бу имкониятларни тўлиқ сафарбар қилиб, одамларга иш ўрни, даромад манбаи учун шароит яратиш, ҳар бир туман бўйича аниқ режа шакллантириш», — деди давлат раҳбари.
«Қандай меҳнат қилсак, шундай ҳаёт бўлади», — дея Шавкат Мирзиёевнинг сўзларидан иқтибос келтирмоқда Президент матбуот хизмати.
Эслатиб ўтамиз, Шавкат Мирзиёев Фарғонанинг Қўштепа туманига ташрифи давомида «Турсунов Юсуфжон ери» фермер хўжалиги даласида ғалла ривожини кўздан кечирди, «Grapes and Gardens Investment» компанияси томонидан ташкид этилган боғдаги дарахт қаторлари орасига саримсоқпиёз экиш бўйича кўрсатма берди.
Изоҳ (0)