Andijon viloyatining Asaka tumanida Haj safari va chet elga ishga jo‘natish evaziga fuqarolarning pullarini o‘zlashtirgan shaxslarga nisbatan jinoiy ish ochildi. Bu haqda “Daryo”ga Bosh prokuratura huzuridagi Iqtisodiy jinoyatlarga qarshi kurashish departamenti matbuot xizmati ma’lum qildi.
Departamentning Asaka tuman bo‘limi tomonidan fuqaro A.A.ning murojaatiga asosan o‘tkazilgan tergovga qadar tekshiruvda, fuqaro B.A. va boshqalar oldindan til biriktirib, bir necha fuqarolarning ishonchiga kirib ularni Haj safariga va xorijiy davlatlarga ishga yuborish evaziga 31 500 dollar va 2,5 million so‘m pullarini firibgarlik yo‘li bilan qo‘lga kiritganliklari aniqlangan.
Mazkur holat yuzasidan B.A. va boshqalarga nisbatan Jinoyat kodeksining tegishli moddasi bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Buxoroda nogiron fuqaro uchun ehson yig‘ish bahonasida salkam 9 mln so‘m pulni o‘zlashtirgan firibgarga jinoyat ishi qo‘zg‘atildi
- UzAutoMotors’ga ishga kiritib qo‘yaman deb odamlarni 42 ming dollarga “uxlatgan” firibgarlarga jinoyat ishi qo‘zg‘atildi
- DXX 5 ming dollar evaziga konservatoriyaga o‘qishga kiritib qo‘yishni va’da qilgan litsey o‘qituvchisini qo‘lga oldi
Izoh (0)