Андижон вилоятининг Асака туманида Ҳаж сафари ва чет элга ишга жўнатиш эвазига фуқароларнинг пулларини ўзлаштирган шахсларга нисбатан жиноий иш очилди. Бу ҳақда «Дарё»га Бош прокуратура ҳузуридаги Иқтисодий жиноятларга қарши курашиш департаменти матбуот хизмати маълум қилди.
Департаментнинг Асака туман бўлими томонидан фуқаро А.А.нинг мурожаатига асосан ўтказилган терговга қадар текширувда, фуқаро Б.А. ва бошқалар олдиндан тил бириктириб, бир неча фуқароларнинг ишончига кириб уларни Ҳаж сафарига ва хорижий давлатларга ишга юбориш эвазига 31 500 доллар ва 2,5 миллион сўм пулларини фирибгарлик йўли билан қўлга киритганликлари аниқланган.
Мазкур ҳолат юзасидан Б.А. ва бошқаларга нисбатан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.
Мавзуга доир:
- Бухорода ногирон фуқаро учун эҳсон йиғиш баҳонасида салкам 9 млн сўм пулни ўзлаштирган фирибгарга жиноят иши қўзғатилди
- UzAutoMotors’га ишга киритиб қўяман деб одамларни 42 минг долларга «ухлатган» фирибгарларга жиноят иши қўзғатилди
- ДХХ 5 минг доллар эвазига консерваторияга ўқишга киритиб қўйишни ваъда қилган лицей ўқитувчисини қўлга олди
Изоҳ (0)