Shavkat Mirziyoyev: “Iste’molchilar huquqlarini himoya qilish haqida ko‘p gapiriladi, lekin amalda bu tizim to‘la tashkil qilingani yo‘q”
28-may kuni Shavkat Mirziyoyev tomonidan o‘tkazilgan yig‘ilishda iste’molchilar huquqini himoya qilish borasidagi ustuvor vazifalar ham tahlil qilindi. Bu haqda Prezident matbuot xizmati xabar qilgan.
“Iste’molchilar huquqlarini himoya qilish haqida ko‘p gapiriladi, lekin amalda bu tizim to‘la tashkil qilingani yo‘q. Buni talab qiladigan muhit yo‘q, bilim yo‘q, ommaviy axborot vositalarida targ‘ibot yetishmaydi”, – dedi davlat rahbari.
Monopol korxonalarning o‘z manfaatiga moslab hujjatlar ishlab chiqqani, ularda iste’molchilar manfaati to‘liq inobatga olinmagani bunga asosiy sabab ekani ta’kidlandi.
Mavzuga doir: “
Yig‘ilishda belgilangan vazifalardan kelib chiqib, O‘zbekiston Respublikasi Monopoliyaga qarshi kurashish qo‘mitasi faoliyatini tubdan takomillashtirishga doir qaror loyihasi tayyorlash vazifasi qo‘yildi.
Prezident qo‘mitani iste’molchilarning manfaatlarini to‘g‘ridan to‘g‘ri himoya qiladigan xalq vakillik organi – Oliy Majlisga hisobdor etib belgilash masalasini ko‘rib chiqish haqida topshiriq berdi.
Mavzuga doir:
- “Zamon o‘zgaryapti, lekin monopol korxonalar o‘zgara olmayapti”. Shavkat Mirziyoyev O‘zbekiston bozoridagi raqobat haqida.
- Prezident raqobatni rivojlantirish va monopoliyaga qarshi kurashish borasida mutlaqo yangi tizim yaratish lozimligini ta’kidladi.
- “Parrandachilik va baliqchilik uyushmalari monopoliyadan ozod qilingani sezilyapti”. Shavkat Mirziyoyev iqtisodiyotda imtiyozlardan samarali foydalanish haqida.
