Namangan viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari Ayubxon Kamolov Vazirlar Mahkamasi kotibiyat mudiri etib tayinlandi. Bu haqda “Daryo” muxbiri Azizbek Abduvaliyev xabar bermoqda.
U makroiqtisodiy tahlil, tarkibiy o‘zgartirishlar, moliya-bank tizimi, davlat aktivlarini boshqarish, raqobatni rivojlantirish, tadbirkorlikni qo‘llab-quvvatlash va kambag‘allikni qisqartirish kotibiyatini boshqaradi.
Ayubxon Kamolov 1971-yilda Namangan shahrida tug‘ilgan. 1993-yilda Leningrad qishloq xo‘jaligi instituti, 2001-yilda Namangan muhandislik-pedagogika institutini tamomlagan.
Mehnat faoliyatini 1993-yilda viloyat hokimligi huzuridagi Istiqbolni belgilash va statistika bosh boshqarmasidan boshlagan. 1994—2017-yillarda bank va Moliya vazirligi tizimlarida turli vazifalarda ishlagan.
2017—2019-yillar davomida Vazirlar Mahkamasi huzuridagi tadbirkorlik faoliyatini rivojlantirishni qo‘llab-quvvatlash davlat jamg‘armasi ijrochi direktori bo‘lgan.
Ayubxon Kamolov 2019-yil fevralidan beri Namangan viloyati hokimining birinchi o‘rinbosari vazifasida ishlab kelayotgandi.
Izoh (0)