Koronavirus nafaqat insonlar salomatligiga, balki biznesga ham katta putur yetkazdi. Ko‘plab korxonalar ishni to‘xtatishga majbur bo‘ldi, deb yozadi Esquire.
Vaziyat restoran egalarini karantindan keyin qanday ish boshlashi mumkinligini hamda insonlar xavfsizligini ta’minlash haqida o‘ylashga majbur qilmoqda.
AQShda The Inn at Little Washington restorani mehmonlarga masofani saqlashga yordam berish uchun stollarga manekenlarni o‘tqizib chiqdi. Restoran 15-maydan boshlab mehmonlarni qabul qila boshlaydi. Ular ochiq havoda ovqatlanishi mumkin.
Tailanddagi restoran ham xuddi shunday qaror qabul qildi. U yerda ham mehmonlarga masofani saqlashga yordam berish uchun stollarga o‘yinchoq pandalar o‘tqizildi. Pandalar mehmonlarga qayerga o‘tirish mumkin va qayerga o‘tirish mumkin emasligini aniqlashga yordam beradi.
These toy pandas are providing company for lonely diners at a Vietnamese restaurant in Bangkok pic.twitter.com/adltovCg8A
— Reuters (@Reuters) May 14, 2020
Amsterdamdagi Mediamatic restorani ham karantin tugagach, mehmonlarga xavfsiz holda ovqatlanish imkonini taqdim etmoqda. Restoranda ikki kishilik alohida kabinalar tashkil etildi. Ularni oldindan band qilish talab etiladi.
Niderlandiyada esa McDonald’sning xavfsiz varianti sinovdan o‘tkazilmoqda. Zalga kiraverishda qo‘l yuvish uchun uskuna o‘rnatildi. Mehmonlarni shisha to‘siq ortidagi administrator kutib olib, qayerga o‘tirishni ko‘rsatadi. Buyurtma terminal orqali amalga oshiriladi, tayyor ovqatni stolga ofitsiant olib keladi. Stollar shisha to‘siqlar bilan ajratilgan.
Ma’lumot uchun, 10-may kuni Toshkent shahridagi “Qanotchi” restorani tajriba tariqasida ishga tushirilgani haqida xabar berildi. Keyinroq Vazirlar Mahkamasi huzuridagi Sanitariya-epidemiologiya nazorati davlat inspeksiyasi “Qanotchi” restoranining karantin davrida tajriba tarzida ochilgani va mijozlarga xizmat ko‘rsatgani noqonuniy ekanini ma’lum qildi.
Izoh (0)