Коронавирус нафақат инсонлар саломатлигига, балки бизнесга ҳам катта путур етказди. Кўплаб корхоналар ишни тўхтатишга мажбур бўлди, деб ёзади Esquire.
Аксарият ресторанлар ходимлари ва хўрандалари соғлиғини хавф остига қўймаслик учун ёпилган эди.
Вазият ресторан эгаларини карантиндан кейин қандай иш бошлаши мумкинлигини ҳамда инсонлар хавфсизлигини таъминлаш ҳақида ўйлашга мажбур қилмоқда.
АҚШда The Inn at Little Washington ресторани меҳмонларга масофани сақлашга ёрдам бериш учун столларга манекенларни ўтқизиб чиқди. Ресторан 15 майдан бошлаб меҳмонларни қабул қила бошлайди. Улар очиқ ҳавода овқатланиши мумкин.
Таиланддаги ресторан ҳам худди шундай қарор қабул қилди. У ерда ҳам меҳмонларга масофани сақлашга ёрдам бериш учун столларга ўйинчоқ пандалар ўтқизилди. Пандалар меҳмонларга қаерга ўтириш мумкин ва қаерга ўтириш мумкин эмаслигини аниқлашга ёрдам беради.
https://twitter.com/Reuters/status/1260906455793885184
Амстердамдаги Mediamatic ресторани ҳам карантин тугагач, меҳмонларга хавфсиз ҳолда овқатланиш имконини тақдим этмоқда. Ресторанда икки кишилик алоҳида кабиналар ташкил этилди. Уларни олдиндан банд қилиш талаб этилади.
Нидерландияда эса McDonald’sнинг хавфсиз варианти синовдан ўтказилмоқда. Залга кираверишда қўл ювиш учун ускуна ўрнатилди. Меҳмонларни шиша тўсиқ ортидаги администратор кутиб олиб, қаерга ўтиришни кўрсатади. Буюртма терминал орқали амалга оширилади, тайёр овқатни столга официант олиб келади. Столлар шиша тўсиқлар билан ажратилган.
Маълумот учун, 10 май куни Тошкент шаҳридаги «Қанотчи» ресторани тажриба тариқасида ишга туширилгани ҳақида хабар берилди. Кейинроқ Вазирлар Маҳкамаси ҳузуридаги Санитария-эпидемиология назорати давлат инспекцияси «Қанотчи» ресторанининг карантин даврида тажриба тарзида очилгани ва мижозларга хизмат кўрсатгани ноқонуний эканини маълум қилди.
Изоҳ (0)