Tokio universiteti xodimlari yig‘ilgan holatda ryukzakka joylashuvchi Poimo nomli shishirma elektroskuter konseptini taqdim etdi, deb yozadi BBC.
Mazkur transport vositasini bir daqiqada shishirish mumkin. Shundan so‘ng unga g‘ildiraklarni o‘rnatish, akkumulyator, simsiz boshqariladigan tutqichlar va ventil elektrodvigatelni joylashtirish kerak.
Shishirma transport vositasining og‘irligi 5,5 kilogrammni tashkil etadi, biroq ixtirochilar ushbu vaznni kamaytirish ustida ish olib borayotganini ta’kidlagan.
Shuningdek, muhandislar elektroskuterda ko‘proq masofa bosib o‘tish uchun akkumulyator sig‘imini oshirishni rejalashtirmoqda. Hozirda bir marta quvvatlanish orqali 1,6 kilometr harakatlanish mumkin, xolos.
Izoh (0)