Britaniyaning Oksfordshir shahridagi mamlakat harbiy havo kuchlariga tegishli sobiq harbiy baza koronavirus pandemiyasi tufayli sotilmay qolgan avtomobillar turargohiga aylantirildi, deb yozadi Daily Mail.
Daily Mail nashri avtoturargohning qush parvozi balandligidan olingan suratlarini e’lon qildi.
Kadrlarda sobiq harbiy bazaning butun hududini savdoning keskin tushib ketishi oqibatida dilerlar sota olmay qolgan yangi avtomobillar egallaganini ko‘rish mumkin.
Baza hududiga bir necha mingta avtomobil joylashtirilgan. Avtoturargohda turli mashinalarni topish mumkin: MINI’dan torib Jaguar va Land Rover’gacha.
Qayd etilishicha, sotilmagan avtomobillarning narxi 43 million dollarga yetadi.
Buyuk Britaniyada koronavirus tufayli yangi avtomobillarga bo‘lgan talab urushdan keyingi 1946-yil darajasiga tushib ketdi. Aprelda mamlakatda 871 ta avtomobil sotilgan, bu esa bir yil avvalgi ko‘rsatkichdan 97 foizga kam.
Mashinalar hozircha bazada saqlanadi. Dilerlar bir necha haftadan keyin ularni olib ketib, sotishga urinib ko‘radi.
Agar koronavirus bilan bog‘liq vaziyat yaxshilanmasa, mashinalar bazada uzoqroq muddatga ham qolishi mumkin.
Izoh (0)