1960-yillarning o‘rtalarida mushuklarni yaxshi ko‘ruvchi Genriyetta Van Valde yordamga muhtoj mushuklarni uyiga olib kelib boqa boshladi.
Ayrim mushuklarni uning o‘zi topardi, ayrimlarini odamlar unga olib kelardi.
Kunlardan bir kun ayol mushuklar uyiga sig‘may ketayotganini payqadi. Uning uyi yonidan kanal oqib o‘tgani uchun Van Valde qayiq sotib olib, mushuklarga boshpana qilib berishga qaror qildi.
https://www.instagram.com/p/BsDf1WaIAKv/
Aksariyat mushuklar suvni yoqtirmasligiga qaramay, suzib yuruvchi boshpanada yashovchi jonivorlar mamnun ko‘rinadi. Hozirda qayiqda 50 ta mushuk yashaydi. Ulardan 14 tasi qayiqning doimiy yashovchilari.
Koronavirus tufayli boshpanaga odamlar kelishi taqiqlangan, biroq kimdir mushuk boqib olmoqchi bo‘lsa, ma’muriyat bilan bog‘lanib, uchrashuv vaqtini belgilab olishi mumkin.
Izoh (0)