Bugun, 29-aprel kuni, AOKAda bo‘lib o‘tgan brifingda Vazirlar Mahkamasi huzuridagi sanitariya-epidemiologiya nazorati davlat inspeksiyasi boshlig‘i Nurmat Otabekov karantinda bo‘lgan aholining soni 80—90 ming atrofida bo‘lib turgani, ya’ni nima sababdan ularning soni o‘zgarishsiz turganiga munosabat bildirdi.
O‘zbekiston Respublikasida aviaqatnovlar, temiryo‘l qatnovlari va avtotransport qatnovlari to‘xtatilganligidan xabaringiz bor. Hatto karantin e’lon qilingandan keyin ham, ancha paytgacha hamyurtlarimizni charter reyslarida olib kelish davom etdi.Agar siz chegaramiz butunlay yopilgan deb o‘ylasangiz, bu xato fikr. Negaki har kuni mamlakatga xorijdan 500—600 nafar fuqaro kirib kelmoqda (Qozog‘iston, Qirg‘iziston, Afg‘oniston orqali). Ularning barchasi uyushgan holda karantinga joylashtirilmoqda.
Karantin tadbirlari bilan qamrab olinganlar bular:
Nurmat Otabekov, Vazirlar Mahkamasi huzuridagi sanitariya-epidemiologiya nazorati davlat inspeksiyasi boshlig‘i
- Xorijiy davlatlardan kelib yangidan qo‘shilayapganlar;
- kasallik chiqishi munosabati bilan karantin muddati uzaytirilgan shaxslar;
- bemorlarni davolash jarayonida qatnashganlar;
- bemor ishlagan ishxonasida birga ishlovchilar;
- bemorning uyida (oila-a’zolari, yaqin qarindoshlari) muloqotda bo‘lganlar;
- bemorlar tashrif buyurgan muassasalar xodimlari;
- epidemik noxush hududlarga borib yuk olib kelish bilan shug‘ullanuvchilar hisoblanadi.
Izoh (0)