1—7-may kunlari biznesga yordam uchun MAKON ANTI CRISIS birinchi onlayn-marafoni o‘tkaziladi. Marafondan maqsad: kichik va o‘rta biznesni moslashtirish va rivojlantirish sohasidagi yigirma beshdan ziyod mahalliy va xorijiy ekspert-amaliyotchilarning inqirozga qarshi maslahatlari hamda harakatlar rejalarini taklif qilish.
Biznesingiz ikkilanishda bo‘lsa, karantin davrida talab va daromadlar o‘zgargan bo‘lsa, siz yangi voqelikda biznesingizni qanday rivojlantirish ustida mudom bosh qotirayotgan bo‘lsangiz va ishni nimadan boshlashni bilmayotgan bo‘lsangiz, uyingizda onlayn-efirni va mashhur ekspertlar maslahatlarini taklif etamiz.
Muhimi shundaki, birinchi bor tashkilotchilar ma’ruzachilarni saralash uchun marafondan oldin ochiq ovoz berishni o‘tkazdilar. Shu maqsadda maxsus @makonanticrisis_bot Telegram-boti ishlab chiqildi. Unda bugun ham istalgan kishi ma’ruzachi uchun ovoz berishi mumkin. Shuningdek, eng dolzarb bo‘lgan va barchani o‘ylantirayotgan bir yoki bir necha savolni tanlash yoki o‘z savolini qoldirish mumkin, bu savolga marafonda javob beriladi.
“Biznesni himoyalash va qo‘llab-quvvatlash – onlayn marafonning bosh maqsadidir”, — deydi tadbir tashkilotchisi, “Milliy marketing markazi” korxonalar assotsiatsiyasi boshqaruvi raisi Diyor Mirzaahmedov. Biz ma’ruzachilarning chiqishlari istisnosiz barcha uchun maksimal darajada foydali va dolzarb bo‘lishini istaymiz. Aynan shu sababli ochiq ovoz berish o‘tkazilyapti va uning natijalariga ko‘ra dastur shakllantirildi. Tomoshabinlarimiz bergan ovozlari va savollari tufayli dastur boy va qiziqarli chiqdi, gap har bir o‘zbek tadbirkorining biznesi haqida borar ekan, biz aynan ularning tanlovlariga to‘liq tayanamiz”, — ta’kidladi Mirzaahmedov.
Yettinchi mayda, marafonning so‘nggi kunida yana bir noyob tadbir o‘tadi. Bu – 100 000 dan ziyod iste’molchilar va Milliy marketing markazi ekspertlari qatnashgan ochiq ovoz berish yakunlariga ko‘ra “Yil brend” mukofoti bilan taqdirlash onlayn-marosimidir.
“Faol aholining fikrlariga asoslanib, biz inqirozga qarshi kurashishda foydali bo‘ladigan ma'ruzalarning eng dolzarb dasturini shakllantirdik. Onlayn tadbirning bunday formati, ko‘p sonli mahalliy va xorijiy ekspertlar ishtirokida, bizda birinchi marta o‘tkazilmoqda. Translyatsiya sinxron tarjima bilan amalga oshiriladi. Biz, bugun o‘zgargan vaziyatga muvofiq ish ko‘rayapmiz va o‘z biznesining o‘zgargan shart-sharoitlarga moslashtira olgan, muvaffaqiyatga erishgan shaxslarning shaxsiy tajribalari ko‘rinishida biznesga amaliy yordamni taklif etayapmiz. Bular yigirma beshdan ziyod mutaxassis bo‘lib, ular olti kun davomida savollaringizga onlayn tarzda javob beradi”, — deb qayd etdi O‘zbekiston respublikasi Monopoliyaga qarshi kurashish qo‘mitasi qoshidagi Iste’molchilar huquqlarini himoya qilish agentligi Reklama faoliyatini nazorat qilish boshqarmasi boshlig‘i Dilshod Azimov.
Ovoz berish mahalliy kichik va o‘rta biznes uchun eng ommabop inqirozga qarshi kontentni aniqlab bo‘ldi.
MAKON ANTI CRISIS birinchi onlayn marafoni dasturi bugungi kunda mana shunday ko‘rinishda.
1-may
20:00 – 20:30 Marafon boshlanishi. Tashkilotchilar va hamkorlarning tabrik so‘zlari
20:30 – 21:30 Zafar Hoshimov, korzinka uz, RedTag, FLO. Pandemiya va inqiroz sharoitida biznesni nima kutmoqda
21:30 – 22:00 Botir Arifjanov, LeBazar.uz. Hammasi online bo‘ladi
22:00 – 22:30 Akhmad Melibayev, Havoqand people. Biznesni inqirozda qanday transformatsiyalash mumkin
22:30 – 22: 50 Yakun chiqarish, hamkorlardan sovrinlar
2-may
20:00 – 20:30 Murad Nazarov, Murad Buildings, NRG, NestOne. Karantindan keyin bozor qanday o‘zgaradi
20:30 – 21:00 Aziz Gapparov, Business Navigator Consulting. Inqirozgacha va inqirozdan keyingi samarali marketing o‘rtasidagi farq nimada
21:00 – 21:30 Barno Nazarzoda, Maslov PR Tashkent. Inirozda kompaniyaning moslashuvi, obro‘ni saqlab turish va kommunikatsiya rolining ortishi
21:30 – 22:00 Xurshid O‘roqov, EVEREST ACADEMY. Inqirozda biznesingizning salohiyatini saqlash va rivojlantirish yo‘llari
22:00 – 22:30 Аkmal Nasridinov, Marketbrodge. Sotuvlardagi xatolar
22:30 – 22: 50 Yakun chiqarish, hamkorlardan sovrinlar
3 мая
20:00 – 20:30 Dilshod Azimov, Iste’molchilar huquqlarini himoya qilish agentligi. Qonuniy reklama. Oddiy qoidalar
20:30 – 21:00 Ibrohim Gulyamov, Perfect Consulting, Perfect Media. Karantin olib kelgan imkoniyatlar
21:00 – 21:30 Azizbek Yusufov, Mirror Management. Karantin vaqtida TVdagi samarali reklama
21:30 – 22:00 Baxtiyer To‘xtayev, Promarketing. To‘g‘ri narxlar orqali qanday qilib inqiroz paytida mijozlarni ushlab qolish mumkin
22:00 – 22:30 Alisher Isayev, SAP Uzbekistan. Koronavirus - biznes va savdoga ta'siri
22:30 – 22: 50 Yakun chiqarish, hamkorlardan sovrinlar
4-may
20:00 – 20:30 Madina Ro‘zmatova. PR adviser. Inqirozda kommunikatsiya qanday bo‘lishi kerak
20:30 – 21:30 Ilya Balaxnin (Rossiya), Paper planes. Inqirozda o‘z xizmatlari va tovarlariga talabni qanday rag‘batlantirish mumkin
21:30 – 22:30 Mixail Dimshits (Rossiya), Dimshits i partnyeri. Karantindan keyin biznesni qutqarishni nimadan boshlash kerak
22:30 – 22: 50 Yakun chiqarish, hamkorlardan sovrinlar
5-may
20:00 – 20:30 Sergey Gimadiev, “Kapitalbank”. Banklar yangi sharoitlarda qanday o‘zgaradi
20:30 – 21:30 Vlad Titov (Rossiya), Komyuniti laboratoriyasi. Sadoqatli hamjamiyatni qurishning besh bosqichi
21:30 – 22:30 Nikolay Chumak (Urkaina), INDT. Yangi voqyelik sharoitlarida savdo markazlari va riteyl operatorlari
22:30 – 22: 50 Yakun chiqarish, hamkorlardan sovrinlar
6- may
20:00 – 20:30 Dmitriy Seredin, TEXNIKUM. Biznes raqamli muhitga qanday o‘tkaziladi
20:30 – 21:30 Samvel Avetisyan (Rossiya), Arxideya. Inqirozdagi yangi imkoniyatlar
21:30 – 22:00 Laziz Adhamov, SAP Uzbekistan. Hissiyotlar: aniqlash, boshqarish va... pulga aylantirish
22:00 – 22:30 Timur Bakiyev, ClickMe. Telegram’da o‘z brendini qanday rivojlantirish mumkin
22:30 – 22: 50 Yakun chiqarish, hamkorlardan sovrinlar
7-may
20:00 – 20:30 “YIL BRENDI” Mukofoti taqdirlash tantanasining ochilishi
20:30 – 20:40 Aziz Buriyev, De Facto
20:40 – 22:00 “YIL BRENDI” mukofoti g‘oliblarini e’lon qilish
Ovoz berish natijalarini real vaqt rejimida makonmf.uz saytida ko‘rish mumkin. @makonanticrisis_bot Telegram-botidagi ovoz berishning barcha ishtirokchilari avtomatik ravishda MAKONANTI CRISIS onlayn marafoniga ro‘yxatdan o‘tgan sanaladi.
Marafon tashkilotchilari: O‘zbekiston Respublikasi Monopoliyaga qarshi kurashish qo‘mitasi va Milliy marketing markazi.
Bosh hamkor – “Asaka” banki.
Reklama huquqi asosida.
Izoh (0)