Davomi: FVV: Qorako‘l va Olotda toshqin haqida asossiz mish-mish tarqalgan. Aholi yashash joylariga qaytarilmoqda, Buxoro hokimligi toshqin va evakuatsiya haqidagi xabarlarni asossiz va yolg‘on deb atadi
“Potrebitel Buxara plyus” kanalida e’lon qilingan videoyozuvda odamlar nafaqat yengil avtomobillarda, balki yuk mashinalari va hatto traktor tirkamalarida ham ketayotganini ko‘rish mumkin; yo‘lda bir tomonga harakatlanayotgan avtomobillarning uzun karvoni paydo bo‘lgan.
Ayni vaqtda, @bukharainfo kanalida 15:41 da qoldirilgan xabarga ko‘ra, “hozirgina shahar ustidan ikkita vertolyot uchib, Qorako‘l tomon yo‘l olgan”. Avvalroq viloyatga kuchli shamol talofatlari bilan bevosita tanishish uchun Prezident Shavkat Mirziyoyev tashrif buyurgani ma’lum qilingan edi.
Qorako‘l tumanidagi vaziyat haqida hozircha biror rasmiy axborot berilgani yo‘q. Avvalroq 27-aprel shamolidan so‘ng tuman bilan aloqa uzilib qolgani haqida xabar berilgan edi.
Mavzuga doir:
Izoh (0)