Toshkent viloyati hokimiga qishloq va suv xo‘jaligi masalalari bo‘yicha yangi birinchi o‘rinbosar tayinlandi. Bu haqda viloyat hokimligi matbuot xizmati xabar qildi.
Xabarga ko‘ra, viloyat hokimining qishloq va suv xo‘jaligi masalalari bo‘yicha birinchi o‘rinbosari Kamoliddin Shermatov 23-aprel kuni egallab turgan lavozimidan ozod etilgan. Uning o‘rniga Botir Alimbekov tayinlangan.
Alimbekov 1978-yil Zangiota tumanida tug‘ilgan. 1999-yilda Toshkent Davlat agrar universitetini tamomlagan. Prezident huzuridagi Davlat va jamiyat qurilishi Akademiyasining kadrlarni qayta tayyorlash va malakasini oshirish fakulteti bitiruvchisi. Ma’lumoti bo‘yicha mutaxassisligi — zoomuhandis, iqtisodchi (qishloq xo‘jaligi).
Mehnat faoliyati davomida qishloq xo‘jaligi, soliq va boshqaruv tizimida bir qator vazifalarda faoliyat yuritgan. Lavozimga tayinlangunga qadar Toshkent viloyati hokimligi tashkiliy-nazorat guruhi rahbari vazifasini bajaruvchi sifatida ishlab kelgan.
Mavzuga doir:
2020-yilning fevral oyida Toshkent viloyati hokimiga uch nafar yangi o‘rinbosar tayinlangan, shuningdek, viloyatning to‘rtta — Bo‘ka, Toshkent, Bekobod va Yangiyo‘l tumanlarida hokimlar almashgan edi.
Izoh (0)