Bahodirbek Mullaxanov Toshkent viloyati hokimining sanoatni rivojlantirish, iqtisodiyot va tadbirkorlik masalalari bo‘yicha birinchi o‘rinbosari lavozimiga tayinlandi. Bu haqda viloyat hokimligi “Daryo”ga ma’lum qildi.

Foto: Toshkent viloyati hokimligi

Bahodirbek Mullaxanov bu lavozimda 2017-yildan buyon ishlab kelgan va 19-fevral kuni Toshkent tumani hokimi lavozimiga o‘tkazilgan Odilxon Rustamov o‘rnini egalladi.

Bahodirbek Mullaxonov 2015-yildan buyon “Qishloq qurilish bank” aksiyadorlik tijorat banki boshqaruvi raisi sifatida ishlab kelayotgandi.

Shuhrat Hakimov esa Toshkent viloyati hokimining kapital qurilish va kommunikatsiya masalalari bo‘yicha o‘rinbosari etib tayinlandi.

Foto: Toshkent viloyati hokimligi

Shuhrat Hakimov mazkur lavozimga o‘tgunga qadar Vazirlar Mahkamasida departament mudiri vazifasida ishlagan.

Shuningdek, polkovnik Ilhomboy Xudoybergenov viloyat hokimining o‘rinbosari — Toshkent viloyati Mahalla va oilani qo‘llab-quvvatlash boshqarmasi boshlig‘i lavozimiga tayinlandi.

Foto: Toshkent viloyati hokimligi

Bundan oldin Toshkent viloyatining Bo‘ka, Bekobod va Yangiyo‘l tumanlarida hokim o‘zgargani xabar berilgandi.