Тошкент вилояти ҳокимига қишлоқ ва сув хўжалиги масалалари бўйича янги биринчи ўринбосар тайинланди. Бу ҳақда вилоят ҳокимлиги матбуот хизмати хабар қилди.
Хабарга кўра, вилоят ҳокимининг қишлоқ ва сув хўжалиги масалалари бўйича биринчи ўринбосари Камолиддин Шерматов 23 апрель куни эгаллаб турган лавозимидан озод этилган. Унинг ўрнига Ботир Алимбеков тайинланган.
Алимбеков 1978 йил Зангиота туманида туғилган. 1999 йилда Тошкент Давлат аграр университетини тамомлаган. Президент ҳузуридаги Давлат ва жамият қурилиши Академиясининг кадрларни қайта тайёрлаш ва малакасини ошириш факультети битирувчиси. Маълумоти бўйича мутахассислиги — зоомуҳандис, иқтисодчи (қишлоқ хўжалиги).
Меҳнат фаолияти давомида қишлоқ хўжалиги, солиқ ва бошқарув тизимида бир қатор вазифаларда фаолият юритган. Лавозимга тайинлангунга қадар Тошкент вилояти ҳокимлиги ташкилий-назорат гуруҳи раҳбари вазифасини бажарувчи сифатида ишлаб келган.
Мавзуга доир:
2020 йилнинг февраль ойида Тошкент вилояти ҳокимига уч нафар янги ўринбосар тайинланган, шунингдек, вилоятнинг тўртта — Бўка, Тошкент, Бекобод ва Янгийўл туманларида ҳокимлар алмашган эди.
Изоҳ (0)