Bugun,

  • USD 11095.31
  • RUB 173.84
  • EUR 10772.44

Xalq deputatlari Toshkent tumani Kengashining navbatdan tashqari uchinchi sessiyasi bo‘lib o‘tdi. Bu haqda Toshkent viloyati hokimligi axborot xizmati xabar berdi.

Foto: Toshkent viloyati hokimligi matbuot xizmati

Foto: Toshkent viloyati hokimligi matbuot xizmati

Sessiyada tashkiliy masala ko‘rildi. Kun tartibidagi masala bo‘yicha viloyat hokimi Rustam Xolmatov nutq so‘zladi.

Bildirilishicha, qulay geografik joylashuv, rivojlangan bozor infrastrukturasi, meva-sabzavotchilikda dong‘i ketgan o‘ziga xos maktab bo‘lishiga qaramay, tuman juda ko‘p yo‘nalishlarda qo‘shni hududlardan ortda qolgan.

Yig‘ilishda, tumanda yerdan foydalanish, kommunal soha, norasmiy ishlayotgan ishchilarni legallashtirish, qurilish kabi yo‘nalishlarda o‘zibilarmonlik, boshboshdoqlik yuzaga kelgani keskin tanqid qilindi.

Muhokamalardan so‘ng Akbar Sulaymonovni Toshkent tumani hokimi vazifasidan ozod etish to‘g‘risidagi viloyat hokimining qarori Xalq deputatlari tuman kengashi deputatlari tomonidan tasdiqlandi.

Rustam Xolmatov Toshkent tumani hokimi lavozimiga Odilxon Rustamov nomzodini tavsiya qildi. Uning nomzodi Toshkent tumani hokimi lavozimiga deputatlar tomonidan tasdiqlandi.

Odilxon Rustamov faoliyati davomida Davlat soliq qo‘mitasi raisi o‘rinbosari, “O‘zbekoziqovqatxolding” xolding kompaniyasi aksiyadorlik jamiyati boshqaruv raisi, Toshkent shahar Shayxontohur tumani hokimi, Toshkent viloyati hokimining sanoatni rivojlantirish, iqtisodiyot va tadbirkorlik masalalari bo‘yicha birinchi o‘rinbosari v.v.b. lavozimida faoliyat yuritgan.

Sessiya ishida O‘zbekiston Prezidentining maslahatchisi Sherzod Qudbiyev ishtirok etdi.

Bundan oldin Toshkent viloyatining Bo‘ka, Bekobod va Yangiyo‘l tumanlarida hokim o‘zgargani xabar berilgandi.

Izoh
Asosiy yangiliklar
Madaniyat
“Xudodan qo‘rqmagan odamdan qo‘rqdim”. O‘zbekiston xalq artisti Bobomurod Hamdamov oilaviy nizolar tufayli ijara uyda yashamoqda (video)
Mahalliy
“Odamlar o‘limida o‘zimni aybdor hisoblamayman” — Nukusdagi tartibsizliklar yetakchisi Dauletmurat Tajimuratov
Mahalliy
Samarqandda o‘quvchining onasi “zamdirektor”ni kaltakladi