Saudiya Arabistoni Oliy sudi mamlakat qonunchiligida nazarda tutilgan qamchi bilan kaltaklash jazosini bekor qilish bo‘yicha qaror qabul qildi, deb xabar beradi BBC.
Ar-Riyod ushbu qarorni podshoh Salom va uning o‘g‘li, merosxo‘r shahzoda Muhammad ibn Salmon tomonidan boshlangan islohotlarning davomi deya izohlagan.
So‘nggi yillarda qamchi bilan jazolash borasidagi eng ovoza bo‘lgan hukm 2015-yilda qabul qilingan. O‘shanda kiberjinoyatchilik va musulmon an’analarini haqorat qilishda ayblangan bloger Raif Badaviy ming darra kaltak yeyishi kerak edi. Biroq keyinroq xalqaro hamjamiyatning tandiqlari sabab hukm bekor qilingan.
Ta’kidlash kerakki, Saudiya Arabistonida so‘nggi vaqtlarda bir qator islohotlar amalga oshirilmoqda, xususan, 2019-yilda ayollarning harbiy xizmat o‘tashiga ruxsat berilgan bo‘lsa, 2017-yilda ayollarning mashina haydashiga ruxsat berilgan edi.
Izoh (0)