Oson tayyorlanuvchi va foydali “Vitamin” salati

Yengil hazm bo‘luvchi, vitaminlarga boy va mazali salat tayyorlaymiz. Ushbu salatni go‘shtli taomlar bilan birga yoki o‘zini asosiy taom sifatida dasturxonga tortish mumkin.

“Vitamin” deb nomlangan salatni tayyorlash uchun kerakli masalliqlar:

• sabzi — 1 dona;
• pomidor — 1 dona;
• olma — 1 dona;
• ko‘k piyoz — kichikroq bog‘;
• shivit — kichikroq bog‘;
• yogurt — aralashtirish uchun;
• soya sousi — ta’bga ko‘ra;
• yong‘oq, mayiz — ta’bga ko‘ra.

• Chuqurroq idish olamiz
• Sabzi va olmani tozalab olamiz. Ularni qirg‘ichdan o‘tkazamiz yoki yupqa somoncha shaklida to‘g‘rab olamiz.
• Pomidorni maydaroq to‘rtburchak shaklida to‘g‘raymiz.
• Yong‘oqni maydalab olamiz.
• Ko‘k piyoz va shivitni to‘g‘raymiz.
• Idishga ko‘kat, olma, sabzi va pomidorni solamiz. Uning ustiga mayiz va yong‘oqni qo‘shamiz. Salatga yogurt va soya sousini solib, yaxshilab aralashtiramiz va dasturxonga tortamiz.