Jahon sog‘liqni saqlash tashkiloti (JSST) maslahatchisi Ezekil Emanuelning fikricha, 2021-yilning kuziga qadar ommaviy tadbirlarni o‘tkazish muammo bo‘lib qoladi.
“Ko‘p odam to‘planadigan tadbirlar haqida gapiradigan bo‘lsak — konferensiyalar, konsertlar, sport musobaqalari nima sababdan 2020-yilning oktabriga qoldirilayotganini tushunmayapman. Odamlar nima sababdan koronavirus pandemiyasi va uning asoratlari bu darajada tez tugaydi deb o‘ylayotganidan hayronman.
Menimcha, ommaviy tadbirlar oxirgi bo‘lib qaytadi. Jiddiy aytadigan bo‘lsam, 2021-yilning yozi — bu eng erta muddat”, — deydi Emanuel.
Eslatib o‘tamiz, avvalroq Tokio—2020 Olimpiadasi va futbol bo‘yicha Yevro—2020 musobaqalari 2021-yilning yoziga qadar qoldirilgandi. Agar mutaxassisning gaplari haqiqatga yaqin bo‘lsa, u holda musobaqalar katta ehtimol bilan tomoshabinlarsiz o‘tadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)