Londonning “Arsenal” klubi PSJ himoyachisi Leyvin Kurzava bilan besh yillik shartnoma borasida kelishuvga erishdi, deya xabar qilmoqda France Football.
Kurzavaning parijliklar bilan amaldagi shartnomasi 2020-yilning 3-iyunida o‘z nihoyasiga yetadi, shu sabab u londonliklar safiga erkin agent sifatida qo‘shiladi.
PSJ Kurzavani 2015-yilda “Monako”dan 25 million yevro evaziga sotib olgandi. 27 yoshli futbolchi joriy mavsum Fransiya chempionatida 14 o‘yin o‘tkazib, bir bor gol urishga muvaffaq bo‘ldi.
Avvalroq futbolchiga “Barselona” va “Yuventus”dan qiziqish borligi xabar qilingandi.
Parij klubi yozda yana bir himoyachisi Toma Menye bilan ham xayrlashishga yaqin. Mavsum so‘nggida shartnomasi tugaydigan futbolchiga “Tottenhem” asosiy da’vogar bo‘lib turibdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)