Boeing kompaniyasi Qatar harbiy-havo kuchlari qurollanishi qatoriga kirishi kutilayotgan F-15QA qiruvchi samolyotining birinchi parvozini muvafaqqiyatli sinovdan o‘tkazdi. Bu haqda kompaniya matbuot xizmati xabar berdi.
Muhandislarning ta’kidlashicha, F-15QA — Amerika qiruvchi samolyotlarining to‘rtinchi avlodlari orasida eng zamonaviy versiya hisoblanadi. Birinchi parvoz vaqtida samolyot havoda 90 daqiqa davomida bo‘lib, Sent-Luisdagi Lambert xalqaro aeroportiga qo‘nishni amalga oshirgan.
Boeing mazkur qiruvchining “vikingning parvozi” deb ataluvchi manyovrini namoyish etdi — unda samolyot asosiy parvozdan oldin vertikal ravishda havoga ko‘tariladi. Kompaniyaning ta’kidlashicha, samolyot va uning ichki tizimlari sinovdan muvaffaqiyatli o‘tgan.https://twitter.com/BoeingDefense/status/1250062655479521280
F-15QA o‘zidan oldingi qiruvchiga qaraganda bir qator modifikatsiyaga uchragan: eletrodistansion boshqaruv tizimi, raqamli qurilmalar paneli, datchiklar, radar va radioelektron kurash vositalari yaxshilangan. Qiruvchi samolyotning konstruksiyasi ancha barqaror va ta’mirlashga yaroqli bo‘lib, ko‘plab xavflarda himoya qilishga qodir.
Izoh (0)