Dunyo

Qayta ochilayotgan Yevropa, paradga tayyorlanayotgan Rossiya, kasalxonaga aylangan avtoturargoh. 14-aprel suratlari

14-aprel, seshanba kuni, dunyoning turli burchaklarida olingan eng qiziqarli suratlar jamlanmasini taqdim etamiz.

Janubiy Afrikaning Keyptaun shahrida bolalar Pasxa bayrami munosabati bilan Groundbreakers dasturi doirasida ijtimoiy yordam oldi.

Rossiyaning Yekaterinburg shahrida Ulug‘ Vatan urushi G‘alaba bayramining 75 yilligiga bag‘ishlangan paradning repititsiyasi o‘tkazildi.

Mavzuga doir: Rossiyada koronavirusga chalinganlar soni 18 328 kishiga, vafot etganlar soni esa 170 kishiga yetdi

Italiyada koronavirus infeksiyasining tarqalishiga qarshi kurash chora-tadbirlari doirasida joriy etilgan ayrim cheklovlar bekor qilina boshlandi.

Yaman poytaxti Sana shahrida furgon ichidagi yo‘lovchiga dezinfeksiya vositasini purkab turgan maxsus xizmat xodimi.

Buyuk Britaniyaning Matxill shahridagi eski telefon budkasi ichida tashkil etilgan xayriya burchagidagi mahsulotlarni tanlab olayotgan erkak.

Polshaning Shetsin shahrida abortga qarshi taqiqlarga “Qora qarshilik” norozilik aksiyasi o‘tkazildi.

Parijda xayriya tashkiloti volontyorlari uysiz aholi vakillari uchun kiyim-kechaklarni saralash va tarqatishni boshladi.

Avstriyaning Grats shahrida niqobli ayollar koronavirus tufayli yopilgan va endilikda qayta ochilayotgan do‘konlari fonida selfi qilmoqda.

Mavzuga doir: Avstriya koronavirus sabab joriy etilgan cheklov choralarini bekor qilishni boshladi

Filippinning Le-Pen hamda Kavit provinsiyalari oralig‘idagi nazorat punktidan o‘tish uchun navbatda turgan transport vositalari. Endilikda mamlakatda koronavirusga chalingani aniqlangan shaxslarning ma’lumotlari davlatning koronavirus tarqalishiga qarshi olib borayotgan kurashini kuchaytirish maqsadida oshkora e’lon qilinishi belgilangan.

Shri-Lankaning Kolombo shahrida turar-joy majmuasi hududida nazoratda turgan politsiya xodimi.

Suriyaning Hazano shahri yaqinida tashkil etilgan lagerda volontyordan koronavirusga qarshi kurash tadbirlari doirasida ma’lumot tinglayotgan niqobli bolalar.

Rimda koronavirus tufayli vaqtincha yopiq turib, endilikda qayta ishga tushgan bolalar kiyim-kechaklari do‘koni xodimi it bilan o‘ynamoqda.

Germaniyaning Vaynbyola kommunasida odatdagidan ancha past harorat kuzatilayotgani sababli uzumchilar hosil nobud bo‘lmasligi uchun sovuqqa qarshi maxsus lampalarni yoqib chiqmoqda.

Prezident Shavkat Mirziyoyev bugungi videoselektor yig‘ilishi avvalida koronavirus infeksiyasiga qarshi kurash doirasida O‘zbekistonda amalga oshirilayotgan ishlarga yana bir bor to‘xtalib o‘tdi.

Buyuk Britaniyaning London shahri shimoli-sharqidagi Uonsted istirohat bog‘ida gullardan zavq olayotgan aholi vakillari.

Toshkent shahrini 14-aprel kuni tongdan tuman qopladi.

Kolumbiyaning Kali shahrida tibbiyot xodimlari tekshiruvidan o‘tish uchun navbat kutayotgan niqob taqqan venesuelalik muhojirlar.

AQShdagi Trader Joe supermarketlar tarmog‘i do‘konlaridan birining sotuvchisi aravachalarni dezinfeksiya qilmoqda.

Mavzuga doir: AQSh davlat kotibi koronavirus pandemiyasida aybdorlar javobgarlikka tortilishini aytdi

Braziliyaning Belu-Orizonti shahrida farzandi bilan o‘ynayotgan Karolina.

Bahraynning Riffa shahrida koronavirusdan aziyat chekayotgan bemorlarni intensiv davolash uchun yaqindagina ochilgan Qurolli kuchlar kasalxonasi ishga tushirildi. Intensiv muolajalar bo‘limi yetti kun ichida oddiy avtoturargohdan zaruriy uskunalar bilan jihozlangan hududga aylantirilgan.

Italiyaning Genuya shahrida koronavirus tufayli berk turib, endilikda qayta ishga tushgan kanselyariya mollari do‘konida kitob xarid qilayotgan ayol.

Mavzuga doir: Karantindan chiqqan Uxan shahrining bugungi hayot tarzi – suratlarda

AQShning Vashington shahrida prezident Donald Tramp Oq uyda koronavirus masalasiga bag‘ishlangan navbatdagi brifing chog‘ida jurnalistlarga murojaat qilmoqda.

O‘zbekistonda koronavirusga birinchi bo‘lib chalinganlarning yana 10 nafari to‘liq sog‘aydi.

Hindistonning Chinnay shahrida koronavirus infeksiyasini aniqlash testi uchun tashkil etilgan budka ichidan turib test olayotgan shifokor.

AQShning Luiziana shtatidagi Yangi Orlean shahrida joylashgan xarobalarga “Kapitalizm — bu virus” so‘zlari yozib ketildi.

Mavzuga doir: Butun dunyoda pandemiya tugaganidan keyin sayohat turizmining qayta boshlanish vaqti taxmin qilindi

Madridda Pasxa ta’tillaridan so‘ng birinchi ish kunida politsiya xodimi avtobusdagi yo‘lovchi ayolga niqob bermoqda. Hukumat iqtisodiyotni jonlantirish uchun qisman taqiqlarni bekor qildi.

Britaniyaning Bakingemshir shaharchasida joylashgan qishloqdagi uyida tarixiy liboslarni kiyib olgan Izabela Pitcher va uning turmush o‘rtog‘i Lukas bog‘da sayr qilishmoqda.

Mavzuga doir: Karantinda zerikayotgan insonlar mashhur kartinalar va filmlar posterlarini qayta yaratdi (foto)

AQShning Sietl shahridagi T-Mobile Park majmuasida “Mariners” jamoasining sobiq o‘yinchisi Den Uilson Bloodworks Northwest Pop-Up Blood Drive Experience loyihasi doirasida qon topshirmoqda. Endilikda xayriya donorligi haftada 3 marta, 2-maygacha o‘tkaziladi.

14.04.2020, 23:56 Izoh (0) 71848

Izoh (0)

Javob qoldiring

Mavzuga doir

Yaponiyada koronavirusga chalinganlar soni 8700 kishidan oshdi

14.04.2020, 23:31

COVID-19 ning qandli diabet bilan kasallanganlar uchun qay darajada xavfli ekani tushuntirildi

14.04.2020, 23:07

Isroil koronavirus pandemiyasida xavfsizlik darajasi bo‘yicha mamlakatlar reytingida 1-o‘rinni egalladi

14.04.2020, 22:10

Rossiya armiyasida koronavirus bilan kasallangan harbiylar borligi ma’lum bo‘ldi

14.04.2020, 21:54

JSST vakili koronavirus dunyo bo‘yicha o‘z cho‘qqisiga chiqmaganini ma’lum qildi

14.04.2020, 19:04

Rossiyada koronavirusga chalinganlar soni 18 328 kishiga, vafot etganlar soni esa 170 kishiga yetdi

14.04.2020, 18:51

Daryo.uz | Sizning muammoingiz yechimi

Beeline Uzbekistan hududlarda raqamli rivojlanishni jadallashtirmoqda

O‘zbekistonda yangilangan HAVAL H6 rasman ishga tushirildi

Chiqim va kirim: nazorat sari ilk qadam

BI Sad’O Business loyihasida ochiq eshiklar kuni bo‘lib o‘tdi va CHILLA aksiyasi boshlandi

riitm aqlli platformasi O‘zbekiston tinglovchilariga 30 million trek taklif etmoqda

Ichkaridan nazar: Imzo fabrikasi qanday ishlaydi?

Central Asian University RUR va THE Impact Rankings 2025 xalqaro reytinglarida o‘z mavqeini mustahkamlamoqda

Centrum Air 25-iyuldan Toshkent — Seul to‘g‘ridan-to‘g‘ri reyslarini boshlaydi

Kia O‘zbekiston bozorini egallamoqda: 2025-yilning birinchi yarmida rekord darajadagi sotuvlar

O‘zbekiston Milliy banki xalqaro kapital bozorida 400 mln AQSH dollarlik obligatsiyalarni muvaffaqiyatli joylashtirdi

Neo Insurance — sug‘urta bozoridagi raqamli o‘zgarishlarning 2 yillik natijasi

Turizmdagi trendlar 2025: Xitoyda Markaziy Osiyoga – Qozog‘iston, O‘zbekiston, Qirg‘izistonga qiziqish o‘smoqda

Ipak Yo‘li Bankdan Tradeloan: xalqaro bitimlarni moliyalashtirish

InfinBANK’dan VISA kartasi endi Swoo Pay ilovasida

“KAFOLAT sug‘urta kompaniyasi” AJning moliyaviy barqarorlik reytingi “Fitch Ratings” tomonidan “Ijobiy” prognozi bilan “B+” darajasida tasdiqlandi