“Barselona” jamoa sobiq vitse-prezidenti Emilio Rusoni sudga bermoqchi. Bu haqda klub rasmiy saytida ma’lum qilindi.
“Barselona” klub imidjiga jiddiy putur yetkazadigan bunday ayblovlarga chidab turmoqchi emas. Klub o‘z sha’ni va qadr qimmatini himoya qilish uchun sudga murojaat qiladi”, — deyiladi klub bayonotida.
Avvalroq Emilio Ruso va “Barselona”ning yana besh nafar direktorlar kengashi a’zolari iste’fo bergandi. Shundan keyin, Ruso quyidagi fikrlarni bildirgan
“Menimcha kimdir klub g‘aznasidan pul o‘maryapti. I3 Ventures kompaniyasiga bir million yevro to‘langan, biroq bunday xizmatlarning bozor narxi 100 ming yevro turadi. Bu kim? Tabiiyki, rahbariyatdagi kimdir. Men aynan kim ekanini bilmayman, biroq shubhalarim bor...”, — degandi Ruso.
Bunga javoban katalon klubi bu gaplarni inkor qiluvchi bayonot bilan chiqqandi. Rasmiy vakil Xosep Vives esa buni “butkul uydurma” deb atagandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)