Qozog‘istonda koronavirus pandemiyasi sabab uyda o‘tirgan kam ta’minlangan oilalar, norasmiy ishlovchi fuqarolar, aholining yordamga muhtoj qatlami uchun joriy etilgan 42 500 tenge miqdoridagi ijtimoiy yordam uchun ariza berishning yangi — elektron raqamli imzo talab qilmaydigan usuli yaratildi. Bu haqda “Coronavirus2020.kz” xabar bergan.
eGov saytida SMS orqali ro‘yxatdan o‘tish mumkin bo‘lgan alohida so‘rov servisi ishga tushirilgan.
Fuqarolar tizimga kirish vaqtida bir martalik parol bandini tanlab, STIR hamda o‘z telefon raqamini terib ariza berishi mumkin. SMS orqali yuborilgan raqamlarni terib, boshqa ma’lumotlarni kiritgach so‘rovni qayta ishlashga yuborish lozim. Bitta ariza uch kun davomida ko‘rib chiqiladi.
Mavzuga doir: Qozog‘istonlik jurnalist karantin tufayli jonli efirda sevgan qizining qo‘lini so‘radi (video)
Favqulodda vaziyat davrida aholi har oyda yordam puli olishni boshlaydi. Bu ko‘mak 3 million nafardan ziyod fuqaroga berilishi ko‘zda tutilgan.
Vaqtincha ishsiz qolgan va daromad tushumini yo‘qotgan kishilar “egov.kz” portali orqali ariza taqdim qilishi mumkin.
Qozog‘istonda 5-aprel holatiga ko‘ra, koronavirus bilan kasallanganlar soni 584 nafarga yetgan.
Izoh (0)