“Kimdir shu kabi narsa qilishga jazm etsa, biz yana takrorlaymiz”. Putin Ikkinchi jahon urushi haqida

Vladimir Putin “TASS”ning “Vladimir Putinga 20 ta savol” loyihasida bergan intervyusida Rossiya har qanday tajovuzga Sovet Ittifoqi fashistlar Germaniyasi hujumiga qanday javob bergan bo‘lsa, xuddi shunday javob berishini aytdi.

Meduza’ning yozishicha, jurnalist Andrey Vandenkoning 9-may kuni mashhur bo‘lgan “Takrorlashimiz mumkin” shiori haqidagi savoliga Putin quyidagicha javob bergan: “Sovet Ittifoqi fashistlar Germaniyasining juda qaqshatqich, dahshatli, kechirib bo‘lmaydigan hujumiga uchradi, biz 27 million kishidan ayrildik. Dunyoda hech qaysi davlat bunday yo‘qotishlarga duchor bo‘lmagan. Kimdir shu kabi narsa qilishga jazm etsa, biz yana takrorlaymiz”.

Shu bilan birga, prezident Rossiya voqealar bunday rivoj topishiga intilmayotganini ta’kidlagan.