UzAuto Motors kompaniyasi 9-mart, dushanba kuni o‘zi ishlab chiqarayotgan (yig‘ayotgan) yengil avtomobillar narxi model va modifikatsiyaga qarab 3 foizdan 21 foizgacha oshishini e’lon qildi (kompaniya o‘zi import qilayotgan qimmatbaho avtomobillar narxini oshirmaslikka qaror qilgani e’tiborga molik). Bu yangilik shu kuni Twitter’ning O‘zbekiston segmentidagi qolgan barcha mavzularni, xususan, butun dunyoda dolzarb bo‘lib turgan koronavirus epidemiyasi va neft narxi qulashi mavzularini ham “changida qoldirib ketdi”.
Quyida havola qilinayotgan tvitlar dayjesti — bu O‘ztvitteristonning to‘liq manzarasi emas, shunday bo‘lsa-da, u jamiyatning ma’lum bir qismi fikrlarini ifoda etgan, deb bexijolat aytish mumkin.
O‘zbekistonda avtomobillar narxi oshganidan so‘ng
Нархни ошириб, ўша пулга ривожланволиб, кейин туширамиз, дейишмаганмиди?)
— Herolion (@Aslanov_K) March 9, 2020
— Kurbanoff.yoq (@KurbanoffNet) March 9, 2020
Автомат коробка мошиналар 21 фоизга ошипти. Ҳай, тушунамиз, коробка чет элдан валютага келади. 1000 долларлик коробкани 2000 доллар оприходовать қилишади. Лекин Дамас нега 21%? Ээээнг камбағал қатлам сотиб олгани учунми? Унда автомат коробка йўқ-ку?
— Shuhrat Shokirjonov (@shokirjonov) March 9, 2020
Машина сотиб олган одамнинг ўзи бечора бўлмайдию, лекин пули камроқ одамлар оладиган машиналарни нархини ошириш қанақа иш бўлди энди?
— 𝕄𝕒𝕥𝕝𝕦𝕓 (@matlub) March 9, 2020
Яна президент камбағалларни камайтириш керак деган гапидан кейин. 🤦🏻♀️
Мошинани нархини яни 2 марта оширийлар сразу камбагаллик тугатилиб гадойликга утилади🤣🤣🤣🤣
— Navruzbek (@navik_21) March 9, 2020
Эътибор бердингларми? Ўзавтомоторс нархларни 21%гача кўтарди, лекин бир оғиз баёнот беришни лозим топишгани йўқ.
— bakiroo (@the_bakiroo) March 9, 2020
Чунки қўйиб қўйгани бор.
https://twitter.com/unaqamasde/status/1236902225798139904
Мошин омайдиган бўлдим
— Аҳмаджон Юсупов (@ahmadpolvon) March 9, 2020
Вақтинчалик "айниш" бу. Бироз ўтиб ҳовурлар босилади ва яна одатдагидек автомобил олишга навбатларда турилади. ЖМ бу манёврга халқни ўргатиб бўлган.https://t.co/cnLuOeSFpc
— Lutfullo (@TursunovL) March 9, 2020
Va boshqa mavzular
Rossiya va OPEK davlatlari neft qazib chiqarish hajmini qisqartirish borasida kelisha olmagach, 9-martdagi birja savdolarida Brent turiga mansub bir barrel neft narxi 30 foizgacha pastlab, 31 dollarni tashkil etdi. CNN’ning yozishicha, bu 1991-yildan beri, AQSh Iroqqa qarshi “Sahrodagi bo‘ron” operatsiyasini boshlaganidan beri qayd etilgan eng kuchli sho‘ng‘ish bo‘ldi. SSSR ham aynan o‘sha yili tarqalib ketgan edi.нефть охирги марта бунчалик обвал бўганда СССР қулаганди, энди Путин биланам шунақа бўбкетар?
— Азиз Қаршиев (@timonus23) March 9, 2020
Prezident Shavkat Mirziyoyev tomonidan imzolangan “2017—2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini ‘Ilm, ma’rifat va raqamli iqtisodiyotni rivojlantirish yili’da amalga oshirishga oid davlat dasturi to‘g‘risida”gi farmonga muvofiq, 1-apreldan boshlab Toshkentda propiskasi yo‘qlar ham Toshkentdan uy sotib olish huquqini qo‘lga kiritishi kerak. Shu vaqtgacha bu huquqni ta’minlovchi hujjat loyihasi tayyorlangani haqida biror axborot berilgani yo‘q, tayyorlangan bo‘lsa ham jamoatchilik muhokamasiga hali chiqarilmadi.
Дарвоқе, прописка бўйича давлат дастури ижроси учун 16 иш куни қолди. Бу қисқа вақт ичида ВМ қарори (ва Низом), ИИВ буйруғи (Низом) тайёрланиши ва тасдиқланиши лозим. Улгуришадими?
— bakiroo (@the_bakiroo) March 9, 2020
Xitoy rasmiylarining hisob-kitoblariga ko‘ra, koronavirusning tarqalishi yozda, aniqrog‘i, iyun oyida to‘xtashi kerak. Jahon sog‘liqni saqlash tashkiloti vakillarining fikricha esa COVID-19 koronavirusi epidemiyasi kunlar isishi, jumladan, yoz kelishi to‘xtashi haqidagi gap-so‘zlarga ishonib bo‘lmaydi — aksincha, kuzda virusning yangi to‘lqini paydo bo‘lishi mumkin. Aynan shunday gap-so‘zlar bo‘layotgan bir paytda eng ommalashayotgan hazillardan biri quyidagi tvitda:
https://twitter.com/sds_uz/status/1236950661163606016
Izoh (0)